最近中國發布火星全球影像圖，將為未來展開火星探測工以及和火星科學研究提供更好基礎，只可以話科技發展真係一日千里，好厲害。
响太陽系嘅第四行星火星，自古以來都人類一直觀察嘅星體，佢高亮等度同紅色响夜晚天空中特別顯眼。不過咁，响中國古代，同火星相關嘅天文現象就唔係乜嘢好嘢，最出名就係「熒惑守心」。「熒惑」係古代人對火星嘅稱呼，代表疾病、戰亂、傷殘、飢荒等各種不祥之兆。而當火星入咗二十八宿之一嘅心宿時，就代表皇宮內會有壞事發生，因為心宿三顆星代表咗皇帝、太子同庶子，亦意味著可能皇宮有大事發生，唔係有人死，就係政權出現問題。由於古人深信「天人感應」之說，所以認為熒惑守心代表上天要懲罰皇帝。
據統計，中國古代共有23次「熒惑守心」紀錄，同政治出現大問題嘅最著名例子，就係漢成帝綏和二年出現熒惑守心後，皇帝賜死宰相翟方進。翟方進死後幾天，漢成帝跟住駕崩，再過沒幾年王莽篡位、西漢隨之滅亡。不過咁，有歷史學者計返，23次「熒惑守心」紀錄都係得6次真係有事發生。
原圖嚟自網絡